BPRGC Gwybodaeth Cynhadledd 2025
11 MAWRTH 2025
Parc Y Scarlets, Maes-Ar-Ddafen Road, Llanelli, Sir Gaerfyrddin, SA14 9UZ
Bydd Cynhadledd a Seremoni Wobrau Bwrdd Partneriaeth Rhanbarthol Gorllewin Cymru 2025 yn arddangos y gwaith a wneir gan y sector iechyd a gofal cymdeithasol ledled Gorllewin Cymru. Yn tynnu sylw at y datblygiadau diweddaraf ym maes iechyd a gofal cymdeithasol yng Ngorllewin Cymru, gan ddysgu gan bartneriaid ar draws y rhanbarth.
Bydd y gynhadledd a’r seremoni wobrwyo yn dilyn thema ‘Gofal Cymunedol Integredig’, gan dynnu sylw at bwysigrwydd gofal yn y gymuned. Mae hyn yn golygu y bydd y digwyddiad yn canolbwyntio ar arddangos y datblygiadau arloesol diweddaraf a’r arfer gorau ym maes iechyd a gofal cymdeithasol, yn ogystal â dathlu cyflawniadau unigolion a sefydliadau sy’n gweithio i wella iechyd a llesiant pobl yng Nghymru.
agenda
9:30am - 10:00am
Cofrestru
10:00Am - 10:30am
Croeso a Chyflwyniadau
10:30Am - 11:30am
Gweithdy 1
11:30Am - 12:30pm
Gweithdy 2
12:30Am - 13:00pm
13:00pm - 14:00pm
Cinio
14:00pm - 15:30pm
Seremoni Wobrwyo
Arddangosfa'r sefydliad
Lolfa Quinell yw eich lleoliad canolog ar gyfer y gynhadledd a’r seremoni wobrwyo. Wrth i chi fynd i mewn, bydd sefydliadau’r sector cyhoeddus a’r trydydd sector ar y dde. Bydd yr ystafell hon yn gwasanaethu fel ein man croeso yn y bore, ystafell weithdy trwy gydol y dydd, a lle bydd y diwrnod yn cloi gyda seremoni wobrwyo i ddathlu.
Pwy sy'n mynychu?
Assist my life: Barod Media
“Dechreuodd AssistMyLife fel ap i helpu pobl i wella eu bywydau. Yn fuan datblygodd yn brosiect enfawr sydd, yn ein barn ni, yn sail i’r hyn y mae’n ei olygu i fod yn wirioneddol gynhwysol a darparu offer go iawn i ennill annibyniaeth ystyrlon.”
Ataxia and Me
“Mae Ataxia and Me wedi cael ei sefydlu i godi ymwybyddiaeth o atacsia yng Nghymru, y DU ac o gwmpas y byd. Ein cenhadaeth yw darparu gwybodaeth a chymorth i bawb y mae’r cyflwr “sy’n cyfyngu ar fywyd” yn effeithio arnynt. Rydym yn canolbwyntio ar atacsia ond yn anelu at gynnwys afiechydon prin ac anhwylderau symud cysylltiedig hefyd.”
BAROD MEDIA
Rydym yn gwmni cyfryngau proffesiynol sy’n gwneud ffilmiau byr a sain ar gyfer cleientiaid trydydd sector, sector cyhoeddus a sector preifat.
Edrychwch ar ein fideos yma:
Boditrax Machine
Mae Boditrax yn system dadansoddi cyfansoddiad corff o’r radd flaenaf sy’n darparu cyfoeth o wybodaeth am gyflwr presennol eich corff. Hynny yw, mae hwn yn ddarn o offer sy’n eich helpu i ddeall eich corff yn well, gosod nodau ffitrwydd realistig ac olrhain eich cynnydd dros amser.
Bydd Hamdden Sir Benfro yn dod â’r peiriant hwn i’r gynhadledd i chi roi cynnig arno!
Gweler mwy o wybodaeth am y peiriant yma:
Monitor Cyfansoddiad Corff Datblygedig – Boditrax | Hamdden Sir Benfro
Dyfed Powys Police: Cyber Crime Team
HWB Cymunedol Sir Benfro
“Mae’r llwyfan cymunedol hwn ar gyfer unrhyw un sy’n byw yng Sir Benfro sydd am wella eu lles. Dewch o hyd i weithgareddau lleol, cymryd rhan mewn prosiectau cymunedol a chwrdd â phobl sy’n rhannu eich diddordebau. Dyma’r lle ar gyfer gweithredoedd bach o garedigrwydd rhwng pobl yn Sir Benfro, yn seiliedig ar y sgil unigol sydd gennych i’w gynnig neu’r broblem benodol y mae angen ei datrys.”
PAVS
“Darparu gwybodaeth a chefnogaeth i grwpiau gwirfoddol a chymunedol, mentrau cymdeithasol, gwirfoddolwyr ac unigolion yn Sir Benfro.”
Pembrokeshire People First
Mae Pobl yn Gyntaf Sir Benfro yn elusen sy’n cael ei rhedeg ar gyfer a chan bobl ag anableddau dysgu a/neu awtistiaeth. Rydym yn rhedeg grwpiau a mannau diogel ar gyfer oedolion ag anableddau dysgu, anawsterau dysgu, a/neu awtistiaeth.
Tech Enabled Care i
Gofal trwy Gymorth Technoleg yng Ngorllewin Cymru
Gofal trwy Gymorth Technoleg, yw’r defnydd o dechnoleg i ddarparu gwasanaethau iechyd a gofal i bobl yn eu cartrefi eu hunain, neu’n agos at eu cartrefi, gan helpu pobl i fyw’n annibynnol ac yn ddiogel. Bydd staff o bob rhan o Orllewin Cymru yn dangos beth sydd ar gael a sut mae hyn wedi bod o fudd i’r gymuned.
VC Gallery
Rydyn ni’n helpu cyn-filwyr a phobl yn y gymuned ehangach drwy gael nhw I gymryd rhan mewn amrywiarth o brosiectau celf.
Rydyn ni’n teimlo’n gryf fod celf a diwylliant yn gallu gwella iechyd, lles ac ansawdd bywyd yn gyffredinol.
Gweithdy
Mae EICH gweithdai wedi’u nodi ar eich tagiau enw.
Cyfalaf
Mae datblygu Hybiau Iechyd a Gofal Cymdeithasol Integredig yn parhau i fod yn ymrwymiad polisi i Lywodraeth Cymru, gyda chefnogaeth Rhaglen Gyfalaf y Bwrdd Partneriaeth Rhanbarthol. Fodd bynnag, mae heriau’n bodoli o ran argaeledd cyllid a’r gallu i ddatblygu cynlluniau presennol sydd ar y gweill. Dysgwch sut mae astudiaeth achos ddiweddar gan Ganolfan Byw’n Dda Sir Gaerfyrddin yn rhoi persbectif gwahanol ar y “glasbrint” ar gyfer prosiectau hybiau integredig y dyfodol. Bydd cyfle i gymryd rhan mewn trafodaeth ar “glasbrint” y dyfodol ar gyfer y prosiectau hyn yn y cynllun cyfalaf rhanbarthol diwygiedig.
Workforce
Bydd gweithdy’r Gweithlu yn rhoi cefndir i rôl y Bwrdd Gweithlu Rhanbarthol (RWB) a’r cynnydd diweddar a wnaed gan y pedair ffrwd waith a ddatblygwyd gan y RWB i ddiwallu anghenion y rhanbarth.
Bydd y gweithdy’n edrych yn ddwys ar y materion sy’n ymwneud â recriwtio a chadw pobl ifanc yn y sector Iechyd a Gofal Cymdeithasol. Bydd hyn yn cynnwys archwilio’r posibiliadau sydd ar gael i ddatgelu rolau Iechyd a Gofal Cymdeithasol i blant oed ysgol i’w cynorthwyo i wneud penderfyniadau gwybodus am eu gyrfaoedd yn y dyfodol. Yn ogystal ag archwilio llwybr clir i leoliadau gwaith mewn ffordd deg a fforddiadwy. Rydym yn eich croesawu i fynychu a rhannu eich syniadau wrth lunio’r gwaith o gynllunio’r gweithlu ar gyfer Gorllewin Cymru.
Carers and Dementia: Workshop Part1
Bydd y gweithdy hwn yn archwilio’r blaenoriaethau ar gyfer Strategaeth Gofalwyr Gorllewin Cymru 2025-2030 a bydd yn gyfle pwysig i helpu i gyfrannu a siapio dyfodol cymorth i ofalwyr di-dâl yng Ngorllewin Cymru.
Bydd Anna Bird a Naomi McDonagh yn ein tywys drwy’r drafodaeth bwysig hon a byddant yn helpu i ganolbwyntio ar yr heriau mwyaf dybryd, nodi cyfleoedd, a chydweithio i sicrhau bod Strategaeth Gofalwyr Gorllewin Cymru yn diwallu anghenion gofalwyr di-dâl ar draws y rhanbarth.
Bydd y gweithdy’n rhyngweithiol, felly rydym yn annog pawb i gymryd rhan, rhannu syniadau, a gofyn cwestiynau wrth i ni lywio’r blaenoriaethau a’r amcanion allweddol sy’n ymateb i anghenion gofalwyr dros y pum mlynedd nesaf a thu hwnt.
Oes gennych chi gwestiwn yr hoffech chi ei ofyn? Cyflwynwch eich cwestiwn YMA
Gofalwyr a Dementia: Gweithdy rhan 2
Cyd-gynhyrchu, dylunio a chyflwyno Bywyd Da Gyda Dementia.
Rydym yn ddiolchgar i Peter Clark a Damian Murphy a fydd yn cyflwyno ynghylch cyd-gynhyrchu, dylunio a chyflwyno ‘Bywyd Da Gyda Dementia’ yng Ngorllewin Cymru.
Mae ‘Bywyd Da Gyda Dementia’ yn gwrs ôl-ddiagnostig wedi’i greu gan ac i bobl sy’n byw gyda dementia. Bydd cyflwyniad yn esbonio camau cychwynnol datblygu a chyflwyno’r cwrs yng Ngorllewin Cymru, gyda mewnbwn a help gan leisiau profiad byw a chymorth gan Innovations in Dementia.
Bydd y cwrs yn helpu’r rhai sydd newydd gael diagnosis o ddementia drwy rannu profiadau personol a rhoi gwybodaeth bwysig yn ystod cyfnod ansicr a bydd yn cynnig amgylchedd diogel a chefnogol i bobl sy’n byw gyda dementia i ateb cwestiynau allweddol a dysgu oddi wrth ei gilydd.
Children and Young People
Pwrpas y gweithdy hwn yw archwilio Deallusrwydd Artiffisial a’r goblygiadau i blant a phobl ifanc. Mae deallusrwydd artiffisial yn trawsnewid cymdeithas yn gyflym, gan effeithio ar addysg, gofal iechyd, gwasanaethau cymdeithasol, a’r amgylchedd digidol y mae plant a phobl ifanc yn tyfu i fyny ynddo. Mae plant a phobl ifanc yn rhyngweithio fwyfwy â deallusrwydd artiffisial yn eu bywydau bob dydd, trwy ddefnyddio dyfeisiau clyfar, ymgysylltu â chynnwys ar-lein, neu drwy ddefnyddio gwasanaethau lle mae systemau deallusrwydd artiffisial yn llywio penderfyniadau am blant a’u teuluoedd.
Mae nifer o ffactorau i’w hystyried o ran deall cyfleoedd a risgiau deallusrwydd artiffisial a sicrhau bod deallusrwydd artiffisial o fudd i blant a phobl ifanc, tra’n diogelu eu hawliau a’u llesiant. Mae deallusrwydd artiffisial yn cyflwyno cyfleoedd a heriau penodol i blant a phobl ifanc, er bod plant a phobl ifanc fel arfer yn cael eu tangynrychioli wrth wneud penderfyniadau ynghylch deallusrwydd artiffisial. Nod y gweithdy hwn yw archwilio camau rhagweithiol a chydweithredol sy’n blaenoriaethu hawliau a llesiant plant, trwy ystyried datblygu polisïau deallusrwydd artiffisial moesegol, cynhwysiant digidol a llythrennedd a mesurau diogelu, o ran llunio effaith deallusrwydd artiffisial.
Gofal Integredig / Cartref o'r Ysbyty
Cyfieithiad Cymraeg yn dod yn fuan..Mae Bwrdd Iechyd Prifysgol Hywel Dda wedi cyflwyno Porth Preseli yn Sir Benfro ac wedi ymestyn cwmpas y Tîm Gofal Brys a Chanolradd. Mae Porth Preseli yn rhoi un pwynt cyswllt ar gyfer yr holl atgyfeiriadau, gan sicrhau brysbennu effeithiol, lle mae’r achosion clinigol mwyaf brys wedi’u cefnogi gan ymateb Gofal Brys a Chanolradd integredig sy’n cynnwys Ymddiriedolaeth Gwasanaethau Ambiwlans Cymru, Eiddilwch, Gofal Argyfwng yr Un Diwrnod Cymunedol, Gofal Cymdeithasol, y Trydydd Sector, a’r Tu Allan i’r Oriau Arferol. Mae’r ymateb brys a chyfannol hwn wedi profi’n llwyddiannus i leihau derbyniadau brys i’r ysbyty a’r angen am gludo gan Ymddiriedolaeth Gwasanaethau Ambiwlans Cymru, ac mae pobl wedi cael y cymorth sydd ei angen arnynt i aros gartref yn ddiogel.
Mae’r ffordd hon o weithio integredig wedi bod yn sbardun i’r Model Clinigol Gofal Brys ac Argyfwng yn y rhanbarth ac yn ein huchelgais Ysbyty yn y Cartref.
Bydd y gweithdy hwn yn rhoi trosolwg o’r model clinigol Gofal Brys ac Argyfwng, modelau Ysbyty yn y Cartref presennol yn y rhanbarth a’n gweledigaeth yn y dyfodol ar gyfer yr hyn y gallai Ysbyty yn y Cartref ei ddarparu i’n poblogaeth. Fel rhan o’r sesiwn, byddwn yn hwyluso’r trafodaethau i gasglu sylwadau gwerthfawr gan y mynychwyr i helpu i lywio’r model.
RPB Q&A
Dyma eich cyfle i ymgysylltu â Bwrdd Partneriaeth Rhanbarthol Gorllewin Cymru! Cynhelir y panel Holi ac Ateb o 12:30pm – 13:00pm, ac rydym am glywed gennych pa gwestiynau y dylid eu gofyn.
Pwy sydd ar y panel?
Hazel Lloyd Lubran
Prif Weithredwr CAVO
– Gweithio gyda thîm bach o gydweithwyr yn CAVO sy’n cefnogi ac yn hyrwyddo gwirfoddoli a grwpiau cymunedol a gwirfoddol ar draws Ceredigion.
– Cadeirydd y Bwrdd Partneriaeth Rhanbarthol a chyd-noddi ymdrechion rhanbarthol i ddatblygu a chydnabod gwerth ataliadau drwy’r Bwrdd Atal Rhanbarthol.
– Ar hyn o bryd yn cadeirio Bwrdd Gwasanaethau Cyhoeddus Ceredigion ac arwain Grŵp Prosiect o bartneriaid i wella llesiant yn Aberteifi gyda’i gilydd.
Linda JOnes
Rheolwr Rhaglen y Bartneriaeth Ranbarthol
Arwain Tîm Bwrdd Partneriaeth Rhanbarthol Gorllewin Cymru, a’i bortffolio amrywiol o waith i gefnogi gweithio mewn partneriaeth, integreiddio a gwasanaethau sydd o fudd i boblogaeth Gorllewin Cymru.
Dr Ardiana Gjini
Cyfarwyddwr Gweithredol Iechyd y Cyhoedd
Cyfarwyddiaeth Diogelu Iechyd, Gwelliant a Llesiant
Arweinydd ar gyfer WFGA, Arweinydd PSB, Arweinydd EPRR
Michael Gray
Cyfarwyddwr Gwasanaethau Cymdeithasol, Tai a Diogelu’r Cyhoedd
Darparu’r arweinyddiaeth strategol sydd ei hangen i ddarparu gwasanaethau gofal a chymorth, tai a diogelu’r cyhoedd yn effeithiol.
Anna Bird
Cyfarwyddwr Cynorthwyol – Busnes, Partneriaethau a Chynhwysiant
Yn fy rôl bresennol, rwy’n arwain tîm corfforaethol bach sy’n gweithio ar draws y Bwrdd Iechyd i gydlynu camau gweithredu sy’n canolbwyntio ar hyrwyddo cydraddoldeb, amrywiaeth a chynhwysiant a mynd i’r afael â’r rhwystrau a brofir gan grwpiau lleiafrifoedd ethnig neu grwpiau eraill sy’n agored i brofi anfantais.
Ar hyn o bryd rwy’n cadeirio Grŵp Datblygu Gofalwyr Gorllewin Cymru (rhan o lywodraethu’r Bwrdd Partneriaeth Rhanbarthol), gan weithio gyda chydweithwyr o bob rhan o ardal Hywel Dda i gyflawni ein Strategaeth Gofalwyr ranbarthol a gwella bywydau a phrofiadau gofalwyr di-dâl.
gategorïau ar gyfer 2025
Gwirfoddolwr y Flwyddyn
Mae’r wobr Gwirfoddolwr y Flwyddyn yn cydnabod unigolyn eithriadol sydd wedi dangos ymrwymiad, ymroddiad ac effaith eithriadol drwy ei waith gwirfoddol ym maes iechyd neu ofal cymdeithasol.
Mae’r wobr hon ar gyfer unigolyn sydd wedi cefnogi gwasanaethau iechyd, gofal neu lesiant lleol. Gallai hyn fod drwy:
• Darparu cymorth a gwybodaeth i bobl; mae angen i unigolyn fod yn gymwys cyn iddo allu cynnig cyngor
• Helpu pobl i gynnal neu wella ansawdd eu bywydau;
• Helpu pobl i wella neu gynnal eu hiechyd a’u llesiant;
• Ychwanegu gwerth at wasanaethau iechyd, gofal cymdeithasol neu lesiant.
Cyhoeddi rhestr fer:
Alan Thomas
Michael Thomas enwebwyd gan Sian Lewis
Susan Smith
Cyfraniad Eithriadol (i iechyd a gofal cymdeithasol)
Mae’r categori hwn yw dathlu unigolyn neu dîm a wnaeth gyfraniad neu gyflawniad rhagorol i’r sector iechyd a gofal cymdeithasol yng ngorllewin Cymru.
Cyhoeddi rhestr fer:
Lorna and Billy Faichney
Dementia Wellbeing Community Team
Team Y Bwa enwebwyd gan Donna Pritchard
Tîm y Flwyddyn
Mae’r categori hwn yn dathlu’r tîm sydd wedi dangos rhagoriaeth mewn cydweithrediad a gweithio mewn partneriaeth drwy wneud y canlynol:
• Dangos effaith gadarnhaol yn glir trwy ffurfio, datblygu neu drawsnewid tîm.
• Galluogi gwelliant ym mywydau dinasyddion gorllewin Cymru.
• Sicrhau newid cadarnhaol drwy weithio mewn tîm.
• Dangos gwelliannau mesuradwy drwy weithio mewn tîm, cydweithio a gweithio mewn partneriaeth
Cyhoeddi rhestr fer:
Carmarthenshire Social Prescribing and Wellbeing Team enwebwyd gan Kelly White
Early Years Integration Team enwebwyd gan Tina Taylor
Emotional Health Team enwebwyd gan Vicky Jeremy
Gwobr Seren Ddisglair
Mae’r wobr hon yn dathlu gweithwyr proffesiynol sy’n dangos potensial, arloesedd ac ymroddiad rhagorol i wella bywydau’r bobl yng ngorllewin Cymru trwy:
• Dangos ymagwedd greadigol ac arloesol at eu gwaith, gan arwain at syniadau neu atebion newydd sydd wedi arwain at effaith gadarnhaol.
• Cyflawni gwaith o ansawdd uchel sydd y tu hwnt i’r hyn a ddisgwylir o ran eu rôl.
• Dangos rhinweddau o ran arweinyddiaeth gadarn, sy’n ysbrydoli eraill.
Cyhoeddi rhestr fer:
Matthew Barratt enwebwyd gan Donna Pritchard
Tom Cooze enwebwyd gan Emma Catling
Emma Rees
Gwobr Effaith Barhaus
Mae’r wobr hon yn ceisio cydnabod unigolyn sydd wedi creu effaith barhaus yn y sector iechyd a gofal cymdeithasol. Gall hyn fod yn welliant, newid i wasanaeth neu newid o ran diwylliant i bobl gorllewin Cymru.
Cyhoeddi rhestr fer:
Susan Leonard enwebwyd gan Maudie Hughes
James Tyler enwebwyd gan Sarah Mackintosh
Diane Harrott enwebwyd gan Lucy Brown
Gwobr Arweinyddiaeth Ysbrydoledig
Mae’r wobr hon yn cydnabod y rhai sydd wedi darparu arweiniad, cefnogaeth ac ysbrydoliaeth ragorol, gan feithrin eu twf a’u potensial, drwy:
• Ysbrydoli ac ysgogi eraill i wneud eu rolau a’u hannog i wneud gwahaniaeth
• Dangos bod llesiant wrth wraidd y gwaith.
Cyhoeddi rhestr fer:
Alice Skellon enwebwyd gan Dominic Anderson
Sarah Lees enwebwyd gan Jennifer Raynew
Avril Bracey enwebwyd gan Jake Morgan
Gweithio mewn Partneriaeth
Mae’r categori hwn yw dathlu:
• Prosiect neu dîm sydd wedi dangos cyd-gynhyrchu gwirioneddol ac arweinyddiaeth a chydweithio parhaus a arweinir gan ddefnyddwyr.
• Wedi dangos effaith gadarnhaol ar wasanaeth, prosiect neu dîm drwy gyd-gynhyrchu dilys.
• Gallu nodi’r ffactorau allweddol sydd wedi arwain at gynnwys defnyddwyr mewn modd cynhwysfawr.
• Gallu dangos gwasanaeth, prosiect neu dîm a gafodd ei gyd-gynllunio a’i ddarparu gan ddefnyddwyr yng ngorllewin Cymru.
• Gallu nodi gwelliannau mesuradwy a gyflawnwyd drwy ymwneud â defnyddwyr a chyd-gynhyrchu.
Cyhoeddi rhestr fer:
Connecting Carmarthenshire enwebwyd gan Lucy Brown
Mel Walters enwebwyd gan Sarah Evans
Fford Sir Benfro enwebwyd gan Michael Gray
Dewis y Dinasyddion a'r Trydydd Sector
Nid yw Dewis y Dinasyddion a’r Trydydd Sector yn agored i enwebiadau. Bydd enwebeion yn cael eu dewis gan aelodau Bwrdd Ymgysylltu â Dinasyddion a’r Trydydd Sector BPRhGC. I gael rhagor o wybodaeth am y Bwrdd Dinasyddion a’r Trydydd Sector dilynwch y ddolen hon:
Adborth
Rydym yn gwerthfawrogi eich adborth i’n helpu i wella digwyddiadau yn y dyfodol. A fyddech cystal â threulio ychydig o funudau i ateb y cwestiynau canlynol.
Cwestiynau a ofynnir yn aml
Faint o docynnau y caniateir i chi eu cael?
Dim ond drwy wahoddiad y gallwch fynychu’r digwyddiad hwn, ond byddwn yn cadw rhestr aros i’r rhai sydd â diddordeb mewn mynychu os oes tocynnau ar gael. Os ydych chi’n credu y byddai eich cydweithiwr yn elwa o fod yn bresennol, cysylltwch â ni i wneud cais am docyn ar y rhestr aros.
A fydd lluniaeth ar y diwrnod?
Bydd te a choffi yn cael eu gweini drwy gydol y bore a’r prynhawn, yn ogystal â chinio am ddim.
A fydd parcio ar y safle?
Gallwch barcio am ddim ym Mharc y Scarlets, y tu allan i’r stadiwm. I gyrraedd y digwyddiad, defnyddiwch y brif fynedfa. Mae parcio i bobl anabl hefyd ar gael.
Ydy'r stadiwm yn hygyrch?
Mae gan Barc y Scarlets lifftiau i bob llawr, sydd wrth ymyl y grisiau. Os oes gennych ofynion ychwanegol, cysylltwch â ni, rydym yn hapus i helpu.
Beth yw'r cod gwisg?
Y cod gwisg ar gyfer y gynhadledd a’r gwobrau yw gwisg swyddfa arferol.
