Llongyfarchiadau mawr i’r tîm Llesiant Dementia am ennill Gwobr Dewis Dinasyddion a’r Trydydd Sector yng Nghynhadledd Bwrdd Partneriaeth Rhanbarthol Gorllewin Cymru eleni.  

Mae cael eich cydnabod fel yr enillydd cyffredinol, yn enwedig o blith enwebiadau haeddiannol a’r nifer uchaf erioed eleni, yn wych. Mae’r wobr yn dyst i arloesedd, ymroddiad, a thosturi’r holl bartneriaid sy’n ymwneud â gwneud gwahaniaeth i bobl sy’n byw gyda dementia mewn gofal.   

Mae’r wobr hon yn dangos yr effaith gadarnhaol y mae’r Strategaeth Dementia Ranbarthol yn ei chael ac yn tynnu sylw at bwysigrwydd gweithio mewn partneriaeth i drawsnewid llwybrau gofal traddodiadol. Mae’n fraint gweithio ochr yn ochr â chydweithwyr sydd wedi ymrwymo i wneud gwahaniaeth ym mywydau’r rhai sy’n byw gyda dementia a’u gofalwyr. Rwy’n edrych ymlaen at barhau i gydweithio ag asiantaethau partner er mwyn i’r fenter hon gael ei hehangu’n deg ledled y rhanbarth a dod â mwy o fudd i gleifion yng nghanolbarth a gorllewin Cymru.

James Severs 

Bwrdd Iechyd Prifysgol Hywel Dda – Cyfarwyddwr Gweithredol Proffesiynau Perthynol i Iechyd a Gwyddor Iechyd

Uwch-swyddog Cyfrifol ar gyfer y Strategaeth Dementia – Bwrdd Partneriaeth Rhanbarthol Gorllewin Cymru